السمك المشوي بالرده في المنزل
هنحتاج صاج للشوي طبعا الصاج لونه بيتغير بعد الاستعمال
ومش بستعمله لحاجه غير شوي السمك فقط
إذا كان السمك مقفول او مفتوح
خلطة السمك المفتوح :
جزر مبشور
طماطم مقطعه
فلفل اخضر
شبت وبقدونس
ملح وكمون
كسبره ناشفه
شطه
كرفس
فلفل اخضر بارد وحار
خل
عصير ليمون
نقلب الخلطه مع بعضها ونحشي السمك
ويتبدر بالرده ويتحط في الصاج ع النار
وتتابعي تسويته علي نار متوسطه لو حجم كبير
ونار اقل من متوسطه لو حجمه صغير
بدون إضافة اي ماده دهنيه ( زيت )
️ في نوعين من التتبيله اللي بتتضاف علي السمك بعد الشوي
١ – دقه : ملح وكمون وشطه وخل ولمون وتوابل سمك وحضره وطماطم مكعبات او مبشوره وكوباية ميه
والسمك يطلع سخن وينزل في الخلطه يتقلب ويطلع في مصفي وبعدين في طبق التقديم
٢ – التتبيله التانيه : ملح وكمون وشطه وبابريكا وشطه وتوم بودر وكسبره ناشفه وبهارات يتضربوا في مطحنة التوابل ناعم ويترش منه علي السمك وعليه عصير لمون
مدة تسوية السمك علي حسب حجم السمك ووزنه
اهم حاجه النار تكون مظبوطه والسمك مينشفش منك
ملاحظات
السمك المشوي مبيتقشرش حتي لو مفتوح
ودي مهمه اوي بتخافظ علي قوام السمكه وهي بتتشوي وميتكسرش منك وانتي بتقلبيه
بيحافظ علي عصارة السمكه ووقت الاكل بيكون سهل تفصلي الجزء الخارجي عن لحم السمكه وخصوصا لو نوع السمك دسم
مممكن تشويه في الفرن لكن الأفضل على النار مباشره
وبالف هنا
