عمل قراقيش بدقيق الشوفان والشمر واليانسون
مع/رشا شرف
المكوّنات
٢ كوب دقيق شوفان( او كوب دقيق شوفان وكوب دقيق اسمر )
٢ ملعقة كبيره سمسم محمص
نصف كوب زيت على سمنه
نص كوب زبادى أو تلت كوب حليب أو ماء
ملعقة صغيره عسل أبيض
ملعقة صغيره شمر محمص ومطحون نصف طحنه
ملعقة صغيره يانسون (مثل الشمر)
٢ ملعقة صغيره بيكنج بودر
أو نص ملعقة صغيره بيكنج
وملعقة صغيره خميره
ربع معلقه صغيره ملح
الطريقة :
نقوم بخلط المكونات الجافه الدقيق والشمر واليانسون والبيكنج بودر والملح
فى حاله استخدام البيكنج بودر فقط يفضل استخدام الزبادى
في وعاء نخلط الزيت والسمنه مع الزبادى ومعلقه العسل ثم نضعهم على خليط المواد الجافه ونبدا نجمع العجين لحد ما يكون كره ناعمه ونتركها ترتاح ل١٠ دقائق من العجين وهنا بنبدا نشكله على طول ويدخل الفرن الساخن
فى حاله استخدام الخميره يفضل استخدام الحليب او الماء بندوب الخميره والعسل فيهم ونتركها ل١٠ دقائق
بنضيف الزيت والسمنه على الخليط الجاف ونبدا نفركه معاهم لحد كل الدقيق ما يتشرب من الماده الدهنيه وبعدين نضيف خليط الخميره ونلم العجين بدون عجن ولو احتاجت سائل بنزود ملعقه كبيره ونغطيه ونتركها تخمر ساعه ونبدا نشكلها ونتركها من ربع لنص ساعه تخمر تانى وتدخل الفرن الساخن
ملاحظات : لو العجينه بتلزق ولينه تمام لان الشوفان بيتشرب كل السائل فمش بنزود اى دقيق تانى زيادة ..
و بألف هنا
