متلازمة انتظار بدء الحياه
متلازمة انتظار بدء الحياة، أو زي ما بنسميها أحيانًا “الإحساس إني حياتي لسه هتبدأ”، دي حالة بتحصل لناس كتير لما يحسوا إنهم قاعدين مستنيين حاجة كبيرة تحصل في حياتهم عشان يحسوا إنهم فعلاً عايشين أو ناجحين. يعني زي اللي دايمًا بيقول: “لما أخلص دراسة، لما أتجوز، لما أجيب فلوس كتير، لما أحقق الحلم ده، حياتي هتبدأ!”
المشكلة بقى إن الحالة دي ممكن تخلي الواحد يعيش على الـ”لما” دي طول الوقت! يعني يفضل مستني حاجة تحصل عشان يحس بالسعادة أو الرضا، مع إنه ممكن يكون عنده حاجات كتير حلوة في حياته دلوقتي، بس مش شايفها.
يعني، بدل ما نعيش اللحظة، بنفضل عايشين في المستقبل اللي مش مضمون، وده بيخلينا مش حاسين بقيمة اللي عندنا.
طب الحل؟🤔 الحل في إنك تعيش كل لحظة زي ما هي، وتبطل تستنى الحاجة اللي جاية عشان تبقى مبسوط. استمتع بالحاجات الصغيرة، الحاجات اللي حواليك دلوقتي. الـ”لحظة اللي جاية” مش دايمًا أحلى من اللي إنت فيها دلوقتي، والمفروض نلاقي السعادة في اللي بنعيشه حاليًا بدل ما نفضل نحلم باللي لسه مجاش!
بقلم / سمر فتحي ✨أخصائية الصحة النفسية،& ومحاضر دولي معتمد
