في زمن بقت فيه المظاهر كل حاجة بقى صعب تفرق مين اللي فعلاً بيحبلك الخير ومين اللي بيضحك في وشك وهو مش طايق يشوفك فرحان الحقيقة اللي لازم كلنا نفهمها إن مش كل الناس قلوبها نقية ومش كل اللي حواليك هيفرحلك من قلبه
هتلاقي ناس تقف جنبك وقت ضعفك لكن أول ما تقوم على رجلك يبعدوا أو يتغيّروا وناس تفضل تسألك عن أخبارك مش حبًا فيك لكن فضولًا أو غيرة الدنيا كده فيها القلوب الطيبة اللي بتتمنى الخير بصدق وفيها النفوس اللي مليانة حقد من غير سبب
بس الأهم إنك متتغيرش متخليش قسوة الناس تأثر فيك ولا تخليك تشك في كل حد خليك دايمًا بتتعامل بنية صافية وربنا هو اللي هيكافئك لأن النية الطيبة عمرها ما بتضيع
اتعلم تشوف الناس على حقيقتهم بس من غير ما تكرههم وخليك عارف إن اللي بيتمنالك الخير قليل لكن وجودهم في حياتك نعمة تستاهل تحافظ عليها.
