🔷رتب اولوياتك الفترة الجاية✍️
كتب /حماده قمر
الوضع على الساحه الان وموقف مصر الداعم لفسلطين والشان الداخلى المصرى وما ينبغى على المصريين 🔸️لو زعلان من شأن داخلي ، اركنه علي جنب ، لو شايف سلبيه تغاضي عنها مؤقتاً ، لو بتتخانق فكرياً مع حد قوله مش وقته وتعالي نتجمع علي فكره دعم الوطن..
🔸️بلدك في وقت حرج ، لحظة فارقة بكل ما تحمل الكلمه من معني ، لحظة كنا بنقرأ عنها في كتب التاريخ واحنا صغيرين ، لفت الايام وبقينا عايشينها لايف ، نتأثر بها ونؤثر فيها.
🔸️ايوه انت مؤثر ، حسابك علي السوشيال ، كلمتك ، فكرك ، اختياراتك ، اولوياتك ، كل شئ مؤثر .. وانت بإيدك يبقي التأثير إما سلبي او ايجابي لبلدك.
🔸️انسي اي غضب ، انسي اي عتاب ، انسي اي مشاكل ، انسي اي سلبيات ، فكر بس في دعم بلدك علشان تعدي الازمة بسلام ومنصورة ومحفوظة بأمر الله .. بلدك أولي بيك من غضبك.
🔸️بلدك قوية بيك لما تكون مؤمن بيها ، جيشك قوي بيك لما تكون واثق في قدرته ، قيادتك قوية بيك وبينا كلنا لما نكون علي قلب رجل واحد ، في اتجاه واحد ، وفكر واحد ، وهو الدعم المطلق للدولة المصرية ، وتحت شعار واحد .
#تحيا_مصر
