@#عروسه في توب ملاك
وزينة بنات الدار
🌷
بقلم عبدالفتاح ابو مشهور
شافت ابوها في محنه
وايه خلاه يحتار
🌷
سألته قال لها يا بنتي حالنا على قدنا
مش تاجر بيوت واثار
🌷
وزمنا يا بنتي عجيب مليان فاقوس وخيار
🌷
قالت يا ابويا اساعدك ولا بيتنا يوم ينهار
🌷
ولمت بنات الحته وبدات الافكار
🌷
بنات في عمر الزهور من كل بيت او جار
🌷
وتكون فريق فتيات العنب بوكيه من الازهار
🌷
حالهم على قد حالهم ولكن بنات شطار
🌷
مش زي شباب نايم وامه تجيب له فطار
🌷
ولا نفع مجتمعه وجايب لاهله العار
🌷
شباب ولا على باله
وواخد الدنيا هزار
🌷
بنات ب ميت راجل في ساعه الإعصار
🌷
يا امي صحيني الفجر في ساعه الأسحار
🌷
عشان المكان بعيد وصعب جدا المشوار
🌷
وامي تقول لي يا بنتي
خلي بالك من نفسك الزمن يا بنتي
غدار
🌷
ما تقلقيش يا امي ربك حليم ستار
🌷
ونتجمع كلنا ويدور ما بينا حوار
🌷
عن احلامنا
اللي بتتعلم
واللي هتتجوز
واللي هتتخطب احلام اللي لسه صغار
🌷
ونلاقي نفسنا في مزارع العنب
نشقى كما الاحجار
🌷
في عز شمس الصيف ولو حتى فيه امطار
🌷
هتشتغلي يعني هتشتغلي ما فيش يا بنات اعذار
🌷
واقفه ورافعه راسك ثابته كم الاشجار
🌷
وفي العوده نفرح حنين رهيب للدار
🌷
لكن الموت كان في انتظارنا
ما كان فيه انذار
🌷
يا اللي بتسمعني
كان لنا احلام زيكم لكن الحلم ماصار
🌷
ولا بايدي ولا بايدك حتى لو خدت قرار
🌷
والدنيا سجن كبير لكن بدون اسوار
🌷
انا مش حزينه
الا على ابويا وامي اللي دموعهم تكوي الحديد والنار
🌷
كان نفسهم يزفوني
بالفستان الابيض ولكن شاءت الاقدار
🌷
يلبسوني كفن ابيض له مهابه ووقار
🌷
مش هسال مين السبب ولا مين يجيب لي التار
🌷
ومين دق في نعشي
كام مليون مسمار
🌷
كله امام الله
يومها ما فيش اسرار
🌷
يا امي لا تحزني ده الجنه فيها انهار
🌷
واحنا باذن الله شهداء يا امي
وبيوتنا بالجنه
فيها يا امي عمار
🌷
يا فتيات العنب لا ننساكم فانتم الاحرار
🌷
اسكنكم الله الفردوس الاعلى جميعا مع الابرار
🌷
وصلى الله على النبي المصطفى
طه المختار
🌷
@#كلماتي @#عبد الفتاح محمد@#
