متابعه /رمضان فريد
بنات فيهم 12 و 13 سنة بدل ما يكونوا بيمتحنوا دلوقتي.. بيطلعوا من بيوتهم علشان يشتغلوا ويوصلوا الشغل الساعة 7 يعني بيطلعوا من الفجر.. المهم العربية اللي بتنقلهم.. بتعدي على معدية اسمها معدية ابو غالب في مركز منشأة القناطر في الجيزة..
والميكروباص على المعدية.. وقف مجموعة شباب يعاكسوا البنات… فالسواق اتنحرر ونزل يتخانق مع الشباب اللي بيعاكسوا بنات صغيرة طالع عين ابوهم طول النهار في الشغل.. بس لما نزل ساب العربية ممورة.. يعني واخدة غيار.. فالعربية رجعت لورا لحد ما وقعت في النيل ومات 11 بنت من الميكروباص..
هما
جنا إيهاب دبور 15 سنة – قرية وردان
تهاني السيد عمر 40 سنة – قرية وردان
جنا أحمد عبد العليم محمود 12 سنة – قرية وردان
روضة رجب علي الصول
شهد محمد عبده عبد الجواد كساب 15 سنة
ملك عادل صقر حسن 14 سنة – قرية وردان
يسرى مجدي عبد الغني قاسم
هاجر أحمد عبد السلام
روان رمضان عيد
آلاء رمضان عبد المجيد عامر 18
وفقا لبيان النيابة، الميكروباص كان فيه 25 بنت، غرق 11 -انتشلت قوات الدفاع المدنى جثامينهن- وفقد خمس ونجاة سبع وإصابة اثنتين. وقالك كمان ان السواق مداسش الفرامل علشان العربية مترجعش ورا.. وان الراجل بتاع المعدية مقفلش الابواب الخلفية علشان تصد العربية ومتقعش.. بل ان رخصة المعدية منتهية من سنة..
مش هينفع تقول ايه اللي وداهم هناك.. وداهم هناك الفقر اللي خلى عيال صغيرة بدل ما تتعلم علشان تعرف تواجه الحياة كويس.. اترموا في قلب مفرمة الشغل..
عايز اقولك ان اللي عمل كدا المحكمة ادته 3 سنين سجن هما مسئول المعدية وسواق الميكروباص، والاتنين عملوا استئناف علشان يخففوا الحكم بس الحمد لله يعني.. ان المحكمة ايدت السجن 3 سنين..
