أنت تسأل ومستشارك الأسري يجيب.

… تكملة الجلسة السابقة للام المتسلطة في تربية أبناءها وقفنا أن أسلوب الام محتاج تعديل وهنا قمت بتوضيح الأثر النفسى السيء علي الابن من تحكم أمه في حياته وقلت للأم استمعي لشكوي ابنك قلت للابن قول لوالدتك ايه اكتر حاجة بتوجعك ؟؟؟ الابن بحس اني مش واثق في نفسي كاني دايما غلط حتي لما اكون صح ودايما أأنب نفسي علي كل فعل مش عارف أعبر عن مشاعري الخوف مسيطر على كل حياتي وجهت كلامي للأم وقلت لها شايفة التسلط وصل ابنك لايه التسلط مش بيحمي لأ داه بيكسر بيدمر وانتي بعدم وعي وشدة كسرتني ابنك !!! انظري لجمال توجيه سيدنا محمد صلى الله عليه وسلم في قوله ( ما كان الرفق في شيء إلا زانه ……) يعني اللين مش ضعف …بالعكس داه قوة تبني الإنسان الأم بحزن يعني ابني كده ضاع قلتها لأ فيه وقت للإصلاح والتغيير دربي نفسك علي التغيير لإنقاذ حياة ابنك قالت وانا مستعدة قوليلي اعمل ايه قلت لها عزيزتي الام بكل حب وهدوء احتوي ابنك بالحوار والشورى والحب وإعطائه الحرية ليعتمد علي نفسه قولي له إنك تحبيه وخايفة عليه ناقشيه إذا حب ياخد قرار في حياته وحبيتي تدخلي لأن ليكي وجهة نظر مختلفة قولي له ممكن نفكر سوا في القرار داه واتركي له حرية الاختيار …. ونأتي لتصحيح مفاهيم خاطئه عند الأبن تصحيح مفهوم البر والعقوق ؟؟؟ العقوق = إساءة وقسوة وانت لاتسيء ولا تقسو أما الإستقلال = إحترام وقرار /قال الله تعالى (وصاحبهما في الدنيا معروفا ) يعني حتي لو اختلفت معاهم تعامل بالمعروف مش بالطاعة العمياء اتناقش معاهم بمعروف ودافع عن وجهة نظرك باحترام لأن داه حقك ولا يتعارض مع البر وليس عقوق والقرآن والسنة يؤكدان ذلك ووجهت كلامي للأم وقلت لها قولي لابنك جملة بدون أوامر قالت لابنها وهي تحتضنه سامحني بحبك يا اغلي من حياتي قال لها الابن وانا بحبك ومش زعلان منك بس كنت محتاج انك تثقي فيا والجلسة لسة مكملة انتظرونا في المقالة القادمة دمتم بسعادة