حتى الجدران القوية قد تتصدع
الشخص اللي كان سندك، اللي دايمًا كان صوت القوة في حياتك، اللي رفعك وقت ضعفك… ممكن في لحظة يمر بحاجة تهز طاقته، تسرق منه التفاؤل اللي كان دايمًا بينقله ليك. حتى الدكاترة النفسيين، حتى اللي بيعالجوا الألم وبيسمعوا الوجع، ممكن يجوا في يوم ويلاقوا نفسهم محتاجين اللي يسمعهم، اللي يطبطب على تعبهم.
مش معنى إني بدعمك إني خالي من الضعف، ومش معنى إني بعالجك إني محصن ضد الألم. كلنا بشر، بنميل، بنتعب، بنحتاج اللي يوقف جنبنا زينا زي أي حد. فقبل ما تحكم على حد كان قوي وفجأة بقى ضعيف، افتكر إنه كان ليك ضهر في يوم… يمكن جه الوقت اللي تكون أنت ضهره.
بقلم/ميار سامي
عاش يا قلبي ♥️