حسن سعد نصار
الغل والغيرة مهما اتداروا بيبانوا، وده لأنهم من أقزر الصفات إللي ممكن تكون في الإنسان.
الغل بيخلي القلب مليان كره وضيق، والغيرة لما تبقى مرضية بتكشف النفسية الضعيفة إللي مش راضية بنصيبها.
الشخص إللي عنده غل أو غيرة عمره ما هيعرف يعيش مرتاح، لأنه دايمًا مركز مع غيره، شايف إللي في إيد الناس ومش شايف إللي عنده، صفات زي دي بتنهش روح الإنسان وبتبعده عن طبيعته السوية.
الناس الطيبة والقلوب النضيفة ما عندهاش وقت تحقد أو تغير، لأنهم مشغولين ببناء نفسهم وحب الخير للغير.. وأي حد بيحمل الغل والغيرة هو في الحقيقة محتاج يعالج نفسه قبل ما السموم دي تخرب حياته بالكامل .
