بقلم د/ ولاء العباسي
مسؤول الإرشاد الأسرى وتنميه المهارات
عنوانا النهاردة مختلف تماما
كم مرة اتحطينا ف مواقف ضيقتنا وسلبت مننا راحتنا وأحيانا كمان وصلتنا لردود فعل قويه وعنيفة ف نفس الوقت وحولتنا من شخص لشخص آخر
كتير مش كدا أكيد كدا …
العقل بيقول لو عاوز تأدب اللى بيتكلم عليك كلام وحش أو كلام بالباطل من غير متنزل لمستواه أو تقلل من نفسك
لازم يكون عندك مبدأ تمشي عليه
وهو التربيه مش بالصوت العالى ..التربيه بالتصرفات اللى بتوجع من غير ما تنطق 🤫
ايوا بالظبط كدا تمام👌
يبقا كدا بدأنا نمسك أساس الموضوع ☺️
في ناس بيبقو متعمدين أنهم يتكلمو عليك بطريقه مستفزه أو يتهموك ب اشياء مش موجوده فيك اصلا عارفين ليه لأنهم بيبقو منتظرين يشوفوك بتنهار ياعينى 🥺 أو يوصلوك ترد بنفس مستواهم 🤷بس انت اكبر من كل التفاهات دى ايوا اكبر منها 💪
تعالى اقولك بقا تتصرفو ازاى مع الناس دى لأن ما اكترهم ف عالمنا حاليا🤗🤨
اول حاجه يا ابطال ….
اياكم والنرفزه وإياكم والرد بغضب … سيبوهم يتكلموا هو الكلام بفلوس اكيد طبعا لا 🤷 وانتم خليكم ثابتين وهاديين الهدوء بيخلى اللى قدامك يحس حرفيا أنه ولا حاجه اه والله فعلا👌
تانى حاجه بقا …
التجاهل👎
أوقات بيكون ده أكبر رد فعل وأكبر صفعه إلى بيفترى عليك وميلقيش رد سعتها بيغلى كدا في نفسه 🔥💯
واى كمان الابتسامة…ايوا زى ما بقولكم كدا بالظبط
ابتسامتك الهادية دى كفيلة تخلى اللى بيكرهك يحتار 🤔 ويفضل يسأل نفسه 🙄 هو مش مضايق لى؟🤷
كم نقطه كمان بس مهمين جدا جدا اوعوا تتجاهلوهم
كرامتك خط احمر ممنوع نجامل حد ع حساب نفسنا ولازم نحترم روحنا كويس جدا
ردك الحقيقي ؟؟ نجااااااحك 💯 لما الناس تشوفك بتكبر وبتنجح وساكت ساعتها بس اللى شتمك هيتخرص ويسكت🤐 من غير حتى ما تطلب منه.
ماتشرحش لاى شخص ولا تبرر نفسك لأن كدا كدا إلى حاطك ف دماغه مش مستنى اصلا يسمعك هو بس مستنى يغلطك اى نعم …فخليك فى حالك .
تجاهل قولنها وهنقولها تانى بس بطريقه اخرى …تجاهل بس لو اى حد اتعدى حدودة واجهه بأدب ..واحفظ حقك بكل احترام 🖐️
واهم حاجه …ركز في نفسك كويس جدا اكبر واوصل للسما لانك كل أما تعلى كل اللى تحت بيصغر جدا 🤏
الخلاصة بقا من كل كلامى ده …
الرقي مش ضعف والسكوت مش خوف والكرامة مش موضوع قابل للنقاش اطلاقا
سيبوهم يتكلموا.. وانتو خليكم مثال مش رد فعل 👌
