كل التباهي والأعتزاز بطلبة طب المنوفيه♥️

ركزوا في وشوش الشباب اللي في الصورة دي كويس على قد ما تقدروا عشان هتلاقوهم احلي من الورد اللي هما شايلينه ..

دول بقا يبقو دفعه 39 -كلية الطب جامعة المنوفية.. المفروض إنهم كانوا هيعملوا حفلة تخرج كبيرة عشان يحتفلوا بنهاية سنين التعب والدراسة.. بس قالولك لأ.. الفلوس اللي هنعمل بيها حفلة التخرج هنلمها ونجيب بيها حضاّنة نحطها في قسم رعاية الأطفال في مستشفى جامعة المنوفية

لمو من بعضهم حوالي 320 ألف جنيه، وجابوا الحضاّنة واللي كان ثمنها 300 ألف جنيه..
بص الجمال بقا ،، الشركة اللي اشتروها منها الحضانه لما عرفوا إن دول طلاب طب بتتخرج و بيعملو خير قررت يعملولهم خصم 50 ألف من ثمن الحضانه .. فأخذها الطلاب بـ 250 ألف جنيه!

و لو انت شاطر ف الحسابات هتعرف ان لسه فاضل معاهم مبلغ 70 ألف جنيه .. يشهيصو نفسهم بقا بال 70 الف جند اللي متبقيين دول .. لا 😁.. دول قالو هنكمل عليهم عشان نجيب جهاز “ايكو” للقلب عشان يحطوه في مستشفى القصر في شبين الكوم لإن الجهاز للأسف عطلان في العناية والطوارئ..

الحضاّنة اللي اشتراها الطلاب دي بتستقبل 50 طفل في الأسبوع وبتكون سبب بعد ربنا في إنقاذ حياتهم و فرحه أب و ام ملهوفين علي أطفالهم♥️

دول يستاهلو تحفظوا أساميهم وتعرفوهم وتعرفوا الناس عليهم وعلى اللي عملوه🥰