الهيئة الوطنية للانتخابات اجتمعت بالأحزاب لحسم معركة الانتخابات

متابعه عبد الحكيم الحايس لصدارة الدولية

مهم عشان توضح كل حاجة بتحصل قبل بداية التصويت في المرحلة التانيه من الانتخابات

البرلمانية 2025

القاضي أحمد بنداري، مدير الجهاز التنفيذي للهيئة، شدد على رؤساء اللجان كلها “الفرعية والعامة” إنهم لازم يسمحوا لوكلاء المرشحين إنهم يحضروا عملية فرز الأصوات.

كمان، لازم يسلموا صورة من الحصر العددي اللي هو إجمالي الأصوات لأي مرشح أو وكيل مرشح يطلبها.

ممنوع تماماً تسليم الحصر العددي للمندوب أو إنه يحضر الفرز، دي حاجة خاصة بالمرشحين والوكلاء بس

ممثلين الصحف والإعلام اللي في اللجان لازم يحضروا الفرز ويعرفوا الحصر العددي.

القاضي بنداري قال إن دي مش قرارات جديدة، ودي القوانين اللي ماشيين عليها عشان العملية الانتخابية تكون مظبوطة 100%.

الـهيئة اجتمعت برؤساء 24 حزب سياسي عشان يشدوا الإجراءات ويظبطوا العملية الانتخابية.

ادوا الأحزاب مهلة لحد بكرة عشان يقدموا الأوراق والمستندات اللي بتوضح حجم الفلوس اللي اتصرفت على الدعاية في المرحلتين الأولى والتانية.

الهيئة حذرت المرشحين إنهم ممنوع تماماً يعملوا أي دعاية انتخابية بعد ما فترة “الصمت الانتخابي” بدأت.

اللي هيخالف القانون هيتعرض لمساءلة قانونية وممكن يدفع غرامة تبدأ من 10 آلاف جنيه وتوصل لـ 100 ألف جنيه!

كل الإجراءات دي عشان الانتخابات تمشي صح، والكل يكون مطمن، والشفافية تكون هي الأساس