كتبت نهى محمد عيسى
أحيانًا بتحس إنك بتدي كتير من قلبك ومن وقتك، بس المقابل بيبقى حاجة شبه معدومة .
بتقف تسأل نفسك: ليه؟
هو أنا غلطت إني كنت مخلص؟ الحقيقة، المشكلة مش فيك، المشكلة في ناس مش بتعرف تشوف اللي قدامها ولا تقدّر قيمته .
عدم التقدير وجع صامت ، تحسه لما تبقى عاوز كلمة شكر بسيطة ومش بتلاقيها .
لما تتعب عشان حد، وتكتشف إن تعبك كان بالنسبة له حاجة عادية .
بس عارف إيه؟ ما تخليش ده يكسّرك .
إنت لما بتعمل خير أو تبذل مجهود ، إنت بتعمله عشان نفسك قبل أي حد .
عشان تبقى راضي عن قلبك وعن اللي بتقدمه .
والناس اللي ما بتقدّرش؟ خليهم يواجهوا نقصهم، لأن التقدير عمره ما كان حاجة نطلبها، ده انعكاس لقيمة الإنسان اللي قدامنا .
افتكر دايمًا، مش كل الناس زيك، ومش كل القلوب نضيفة
وإنت في الآخر محتاج تقدّر نفسك أولًا ، لأن ده اللي يفرق أما الناس، فدي أقدارهم ، مش مشكلتك .
