أتواري كي لا أراك تشكو من ألم فيك
أتواري كي لا أراك قد زاد الهم عليك
أتواري كي لا أراك تشقي وتعاني الضيق
أتواري كي لا أراك وحدك ماشي الطريق
شايل هموم الدنيا وكمان من غير صديق
وحدك ولي أذاك بيقول يا ناس بريء
مع إن عيونه بتكذب و كلامه طويل وجريء
مش بس هو لوحده دا كمان معاه فريق
وكلام كتير ورغي مع انه مش دقيق
فين صدق النية يا ناس عالم فقد الاحساس
كله بيضايق كله والحق بقي بينداس
الظالم دايس داهس وكمان علي الرأس يتباس
مخلوق عريانة ذنوبه في الشر مالهش مقاس
بتقوله دنيا غرورة اتغر مالكش مساس
امشي علي كيفك فيا خلي القوام مياس
دا نوايا الناس الصافية اتقابلت بالوسواس
وقلوب من الطيبة اتجرحت مع انها زي الماس
مابآش في كلام يتقال بقي كله لعب عيال
القيمة قلت خالص والوزن مالوش كيال
أرباب القيمة انكسروا وكبيرهم بقي شيال
لهموم الدنيا دي شايل غلبان ما هو عنده عيال
يا حكومة قاسية علينا دا الهم غطي وطال
خليتي حياتنا صعيبة والباشا بقي زبال
والصالب طوله شوية تلاقيه مياس ميال
مش فاضل منك والله غير ضربنا بالنعال
ليه بس كل ده ليه دا المصري طالعة عنيه
عمال يكدح ويكافح بس مكتوفة إديه
مالهوش من الحظ جانب متكعبل من رجليه
يا سلام لو تحلي أيامه وتلاقوا حل ليه
قبل ماتخربوا عيشته وتفلت من إيديه
