حب الخير للغير… سر من أسرار النجاح الحقيقي
كتب: عبدالله ايمن شاهين
في وقت بقينا نشوف فيه منافسة غير شريفة، وحقد بين الناس، لازم نقف ونسأل نفسنا: هو ليه بنزعل لما نشوف حد ناجح؟ وليه بدل ما نفرح له وندعمه، بنحاول نوقفه أو نحبطه؟ الحقيقة إن اللي بيحب الخير للناس، هو بس اللي يستحق الخير لنفسه.
حب الخير للغير مش ضعف، ده قوة حقيقية. قوة في القلب، وقوة في الأخلاق. لما تشوف إنسان ناجح، حاول تتعلم منه، خليه يكون دافع ليك، مش سبب في غيرتك أو كرهك. لأنك لما تكره النجاح في غيرك، عمرك ما هتوصله.
الإنسان اللي بيشجع غيره ويدعمه، حتى لو كان سابقه بخطوة، ده إنسان كبير بجد. والنجاح عمره ما بيقل لما غيرك ينجح، بالعكس، النجاح الحقيقي إنك تبقى سبب في فرحة غيرك، مش في سقوطه.
افتكر دايمًا إنك لما تحب الخير لغيرك، ربنا هيرزقك بأضعافه. وإنك لما تساعد حد ينجح، النجاح هييجي لك من حيث لا تحتسب. متحاولش توقف اللي ناجح… حاول تبقى زيه أو أحسن، بس من غير ما تأذي غيرك.
