ريفال مش بس ضحية
متابعة الاعلامية د.ولاء العباسي
ريفال شهيدة اعتداء جنسي وتعذيب بشع
ما تعرضت له ريفال من تعذيب لا يُمكن وصفه بالكلمات.
حصل لريفال :
اعتداء جنسي كوي بالمكوة تعذيب بمعلقة محمية على النار مدهوس بطنها وأضلاعها . في النهاية وهي فاقدة الوعي ، والدها رماها في المستشفى وهرب ،، من شهر رمضان وإلى من ٤ أيام وقت موتها ،، طول الفترة دي وهي بتعمل عمليات وفاقدة الوعي…
حالة ريفال لما والدها رماها بالمستشفى وهرب :
▪️اعتداء جنسي
▪️نزيف حاد في المخ نتيجة ضرب عنيف بالرأس
▪️كسر في 8 ضلوع يمين وشمال
▪️هواء بالرئتين، والرئتين تقريباً وقفوا عن العمل
▪️تجمع دموي بالبطن من شدة الدهس
▪️آثار تعذيب وحروق بكل مكان في جسمها: مكواة، ملعقة محماة، كهرباء، سجائر مطفّية فيها.
ريفال، بنت في عمر الزهور، ماتت بأبشع طريقة ممكنة.
١- مين اللي عمل فيها كده؟
٢- مين اللي كواها؟
٣- مين اللي دهسها؟
٤- مين اللي كهربها؟
٥- مين اللي اغتصبها وعذّبها لحد الموت؟
أسئلة كتيرة بتخلينا نستشعر إننا مش في الدنيا ،، بتحسسنا إننا عايشين في جهنم .
العقل فعلا مش قادر يفكر ولا قادر يستوعب !
هل دا فعلا ممكن بشر يعمله ولا حد نزل من السما عمله .
مين إللي اغتصب ؟ومين اللي عذب ؟ ومين إللي كوى ؟
معقولةإللي عمل دا بشر
ربنا يحمينا ويسترها علينا ،،، اللهم يامقلب القلوب .
الحقيقة إن ريفال لازم حقها يكون بشع بقدر بشاعة إللي حصلها.
المجتمع لازم ينبذ دا وبشدة قبل ما المجتمع يعتاد عليه ،،،
لازم يكون في عبرة ،،، وعبرة كبيرة ،، بقدر الأحاسيس البشعة إللي لايمكن لأي إنسان إنه يستحملها ،، فضلا إن إللي عاش كل دا للأسف طفلة عمرها 10 سنوات . هنبكي عليكي وهنتألم ي ريفال ،، وهنبكي على نفسنا وعلى المجتمع محتاجين نبكي على النخوة والقسوة والحقارة ياريفال بكاء كبير أوي
في ناس بتسمع الخبر وكأنها سمعت نشرة أخبار
الألم إللي في القلب لازم يزيد ، عشان نكون جزء من التفاعل بالغضب والحزن والإنكار الشديد على القسوة والحقارة إللي موجودة عند بعض البشر .
عشان ربنا يحمي ولادنا ،، وأولاد ولادنا ويحفظهم
يحفظهم من كونهم يتعمل فيهم كدا ،
ويحفظهم كمان إن ميعملوش كدا
على فكرة ، عايزة أقولك حاجتين :
١ريفال ولا هي بنتي ولا قربتي ولا عمري شفتها ولاالموضوع يمسني من قريب أو بعيد كمان أقل شيء أقدر أشارك بيه ، أو نقدر نقول ب أعبر عن غضبي وحزني وقسوة الناس بيه وتقدر تقول بأعتذر لريفال بالمشاركة المتواضعة دي .
٢.كمان مش ناسي أقولك إني متعاطف مع أهل الأب جدااا لأنهم من أفضل الناس خلقا وسيرة ومش ذنبهم أي حاجة في الجريمة البشعة ، لكنها أقدار الله ومتأكد إنهم في ابتلاء وكربة شديدة أكتر كتير من اللي احنا فيها .
لكن دا ميخلناش أبدا نستقبل الجريمة ونبعدها عن الحقيقة ،ونوزع اللوم هنا توزيع اللوم هنا غير متكافئ وبيخفف من لوم الناس إللي قامت بالفعل بالجريمة .
تعاطفنا مع الأهل ميخلناش نكون غير حياديين في تناولنا لبشاعة الجريمة وعن المطالبة بأخذ موقف حازم وعن انكارنا اللاذع والقوي للي عمل دا .
مش مطلوب مننا نكون قضاة على المجتمع لكن مطلوب من كل واحد فينا يكون إنسان .
ملحوظة:
ريفال هي بنت أخت الدكتور عبدالله السيد عبدالرازق، طبيب الأسنان بكفر الأطرش.
ملحوظة أيضا :
الأب وزوجته الأب محبوسين في قسم أول العاشر من رمضان ،، في قضية برقم 3255 .. متهمين إلى الآن .
