القيادة مسئوليه والشخصية يحددها عقلك وفكرك

القيادة مسئوليه والشخصية يحددها عقلك وفكرك شخصيه لاعب محترف اللاعب عبدالله السعيد بغض النظر عن كونك اهلاوى او زملكاوى

كتب/درويش زين الدين

انه العطاء والجهدوالرجوله هم هويتك الحقيقيه بجد والله أنا اكتر لاعب دخل قلبي هو الراجل دا ودي ل شوية حاجات بالنسبه للناس بسيطه بالنسبه لي كبيرة ومهمة

اولا العقليه.. عقلية لاعب محترم مش بتاع شو ولا بتاع لقطه بيعمل شغله وبس ملتزم بره الكورة وده الاهم وانعكاس لشخصيته داخل الكورة ولو عايز تحدد هوية شخص اربط الشخص ده بحياته وشخصيته بره الكوره

ثانياً إصراره.. لو معندوش إصرار مكنش قدر يكمل للوقت ده

ثالثاً.. بيشتغل على نفسه رغم أن عبدالله وصل سن الأربعين لكن تعالى أقول لك أن مفتاح لعب الزمالك الموسم اللي فات كان عبدالله ومفتاح لعب الزمالك الموسم ده كان عبدالله والدليل

لو قل مستوى عبدالله بس شوية بتلاقي أداء الزمالك منهار

وده يخليني اقولك أنه لاعب شغال على نفسه محافظ على لياقته ما شاء الله النوم بالقدر الكافي الناس فى اجازه عبدالله فى الجيم بيتمرن الناس فى خروجات عبدالله مع اسرته ملتزم

والأهم من كل اللي قولته علاقته بربنا والتزامه بالصلاه

ده يجبرك لوحده انك تقف قدامه بإحترام

أنا ك مشجع كرةالقدم نفسي الاقي عبدالله السعيد تاني في منتخب مصر ويارب يكون عمر زيه كدا ويكون مكسب وتكملة تاريخ ل عمر مكان والده مع المنتخب لاعب مش بتاع مشاكل ومش بتاع شخصنه سوي ونضيف ومالوش حرب مع حد

اللاعب الوحيد اللي كل مباراة ما شاء الله تلاقيه بيجري وبيكمل وكمان أي احتكاك مع خصم تلاقي عبدالله اشرس واقوى ويفوز بيه دا غير الهدايه اللي بيوزعها للفريق من مفاتيح لعب كلها ولو دونجا بس ربع عبدالله هيكون عندك نص ملعب مشفتوش قبل كدا

دا غير أن عبدالله ممعوش الكوره تلاقيه بيكلم كل زمايله ويوجه كل لاعب فيهم شمال ويمين ودا دور مهم جداً انك يكون عندك لاعب الفرقه تحترمه وتقدره ف مباراة السوبر الزمالك خلاص الحكم طلع اللاعبين بره المباراة واللعيبه كلها فقدت تركيزها حرفياً وانتهى الشوط وانت خلاص وبتقول الزمالك خسرللكن عبدالله الوحيد اللي وقف يكلم زمايله نهدأ يا رجاله نحافظ ع تركيزنا العبوا كورة وبس وبين الشوطين دا كان دور عبدالله رغم ان انت اصلا معندكش كواليتي تواجه بيه ولكن فعلاً دي كانت كلمة السر وقبله طبعاً توفيق ربنا ومن هنا نزل الزمالك عمل شوط تاني يدرس

نزل رجع للمباراة وتعادل وقدر يخطف البطوله وكان شوط الكل اكلم عليه وانا من رأي مربطهاش مدرب ولا روح ولا لعب ربطها قيادة ل قائد زي عبدالله السعيد وقت م شوفت عبدالله قولت الزمالك هينزل يكسب الشوط التاني وحصل

فى مباراة فاركو أنا قاعد ف المدرج شايف عبدالله أيده مبتنزلش يشاور ل زمايله هنا وهنا ويوجه كل لاعب فيهم

شوفت فى المباراة دي لاعب عشريني تحيه لهذا اللاعب الكبير