ياباشا….
ياهانم….
يامجتمع….
علموا أولادكم قيمتهم فى اخلاقهم،
قيمتهم فى الأثر، قيمتهم فيما يقدمون لأنفسهم وغيرهم
ووطنهم…علموهم قيمتهم مش فى اللقب….
لأنى ملاحظ….اننا اصبحنا مرضى بالألقاب…
سياده المستشار ، وسياده الدكتور، وسياده المهندس
وللأسف بالصدفه تكتشف لاده مستشار. ولا ده دكتور،
ولا ده مهندس…وعلى فكره اللقب مش هيكبرك
هتصغر فى عيون الناس لما تعرف حقيقتك…
وللأسف ده وهم فى مجتمعاتنا وآفه حارتنا على
رأى عمنا نجيب محفوظ النسيان….وانا بقولك
آفه مجتمعاتنا الألقاب…
وكثير منها للأسف بانجو مضروب…
وعايز بس انبهكم…كل إل دخل مجلس الشورى
لا سياده المستشار، ولا سياده الدكتور، ولا سيادة المهندس
كلهم رجال أعمال….
وده ال هيحصل فى مجلس النواب ….
نصيحتى…ركزوا فى شغلكم
ركزوا فى البيزنس إل بيجيب فلوس…
ساعتها
هتبقى البيه المستشار
والبيه الدكتور
والبيه المهندس.
وعلى رأى العبقرى احمد ذكى فى البيه البواب .
لما اشتغل فى العقارات وبقى معاه فلوس…
وصفيه العمرى ….ال مكنتش بتستنضفه ،
علشان بواب…لما بقى معاه فلوس
ده فى الفيلم ….قلتله أنته البيه…وانت سيد الرجاله…
وغنى واتسطل….وقال..
أنا بيه…أنا بيه…أنا بيه….
مجتمعات تعشق الوهم والمنظره..
ياحبيبى خليك عملى…..علشان تغنى
أنا بيه…أنا بيه…
محدش يزعل…من أصحاب الألقاب المضروبه
وحياة الصباح مقصد حد…
انا بس نفس…أغنى …أنا بيه…أنا بيه…
جمال حماد
