رجع من ليبيا لقي نفسه ميـ.ـت في الأوراق
متابعة عبد الحكيم الحايس
.. قصة عبد الفتاح من طنبدي ولا في الخيال
الحاج عبدالفتاح عنده ٦٠ سنة سافر ٣٥ سنة ليبيا، قبل ما يسافر كانت متزوج وعنده ابن وبنت، حصل مشاكل بينه وبين أهل زوجته وطردوه برة البيت
الحاج عبده بيقول اهلي ونسايبي طردوني قعدت انام في مسجد القرية في النعش لمدة سنة كاملة بسبب البرد والسقعة، بعدها حد قاله سافر ليبيا مالكش تقعد هنا تاني
قال سافرت ايام كان السفر بالبطاقة، اشتغلت ٣٥ سنة مقرر اني مش هرجع تاني، لكن اخويا كلمني قالي انزل امك ماتت وابوك، بيقول نزلت من سنتين ونص، اخويا جه خدني من الحدود المصرية بشهادة الميلاد.
بيقول لما جيت لاقيت أنهم مطلعين شهادة وفاة وجايبيني علشان اخواتي البنات وولادي رافعين قضية علشان الورث، لما القضية باظت رموني برة وقالولي ما نعرفكش.
قال عاوز اطلع بطاقة رقم قومي لازم ابني يشهد بيقول انا مش عارف اعملها لأن ابني رافض، بيقول عاوز ١٠٠ ألف علشان يجي يشهد معايا، انا مش عارفه لأن بعد ٣٥ سنة انا مش عارفه لو قابلته مش هعرفه لأني مكنتش بتواصل معاهم، وحتي لهجته ليبي خالص ومش بيتكلم مصري.
بيقول أنا متزوج في ليبيا وعندي اولاد، عاوز اسافر مش عارف عاوز اشتغل مش عارف عاوز اعمل عملية في رجلي مش عارف، محتاج بطاقة رقم قومي بس
محدش عارف عبد الفتاح جاني والا مجني عليه أنتم بقي شوفوا وقولوا رايكم جاني والا مجني عليه
