البنك المركزي المصري سداد مصر لـ 36 مليار دولار من الديون خلال عام 2024
متابعة/رشا شرف
أعلن بالأمس عن سداد مصر لـ 36 مليار دولار من الديون خلال عام 2024 ، وده أكبر رقم للديون يتم سداده في تاريخ مصر في سنة واحدة ، والأهم انك قدرت تسدد المبلغ الضخم ده في وسط ظروف دولية بالغة الصعوبة ، واللي يرفع الراس انك قدرت تسدد في الوقت اللي مواردك الدولارية شبه منهارة لأسباب خارجية بعيدة عن إرادتك ومالكش يد فيها ، ورغم كده قدرت تسدد أكبر مبلغ مستحق خلال سنة واحدة ، ومش بس كده ، دا الاحتياطي النقدي الدولاري عندك بيزيد كمان
السنتين اللي فاتوا (2023 و 2024) كانوا أصعب سنتين في جدول سداد الديون اللي علينا وفوايدها.. وكانوا ذروة المنحنى في سداد الديون المستحقة ، عشان كده كان معتاد جدا خلال السنتين دول إنك تسمع عن أرقام ضخمة فوق الـ 30 مليار دولار مستحقة علينا خلال السنة الواحدة ..
جدول ديون مصر الخارجية الواجب سدادها خلال الـ 5 سنوات القادمة وفقا للبنك المركزي المصري :
– في 2024 : 36 مليار دولار …. (تم السداد)
– 2025 : 22 مليار
– 2026 : 22.87 مليار
– 2027 : 12 مليار
– 2028 : 5 مليار
