الشخص السهن
بقلم الإعلامية د.ولاء العباسي
موضوع شيق من عنوانه
من أكثر الأشخاص السامة انتشارا هو الشخص السهن
الشخص ده للاسف بيبان قدام الناس أنه ملاك ومن أفعاله بعيدا عن الناس انت عارف ومتأكد أنه عبارة عن كتله من الغل والحقد
الشخص ده عنده مهارات رهيبه وعنده ثبات غير طبيعى اللى هو متعرفش تمسك عليه غلطه متعرفش تمسك عليه العيبه وطبعا وبالأخص قدام الناس
وبالرغم اننا شوفنا سواد كتير جدا من اللى مستخبي فقلبه بردو بيكمل وبيتعامل بكل بجاحه بالرغم انك اكتشفت ندالته ونقصه بس بردو عنده قناع ودور درامى رهيب بيرجع يتعامل ملاك قدام الناس
نصيحه بقا ومهمه جدا جدا
الشخص ده مينفعش تقومه ولا لازم أصلا تركز معاه عشان هتحرق دمك عالفاضي وطاقتك هتقل ومجهودك هينعدم
الشخص ده الحل الوحيد لتجنبه التجاهل ثم التجاهل الشخص ده تسيبه وتعتبرة هوا واللى يصدقه يصدقه بقا مهو اللى هيصدقه طبيعي هيكون شبهه ونفس دماغه وصفاته
المضمون .. أثبت ع موقفك وع حبك لنفسك وع حياتك وتطويرها وع علاقتك بربك وكمان مع القريب منك وبس اللى همه همك اللى بيحبك لنفسك ولشخصك مش عشان منتظر منك مصلحه
خليها قاعده ف حياتك
لا تنتظر الود لمن لا ود له
دمتم بنفوس راضيه وقلوب صافيه
